• పునర్వసు నక్షత్ర 4 వ పాదం, పుష్యమి నక్షత్ర 1, 2, 3, 4 పాదములు, ఆశ్లేషా నక్షత్ర 1, 2, 3, 4 వ పాదములలో జన్మించిన వారు కర్కాటక రాశికి చెందును.
• శ్రీ విళంబి నామ సంవత్సరంలో కర్కాటక రాశి వారి ఆదాయం - 08 వ్యయం - 02 రాజపూజ్యం - 07 అవమానం - 03

శ్రీ విళంబి నామ సంవత్సరంలో కర్కాటక రాశి వారికి ధనాదాయం బాగుండును. నూతన ప్రయత్నాలు లభించును. వ్యాపార - వ్యవహారాలు అనుకూలించును. ఆలోచనలను కార్యరూపంలోనికి తీసుకొనిరాగలరు. ఈ సంవత్సరం కర్కాటక రాశికి చెందిన అన్ని వర్గములవారికి మంచి ఫలితాలు ఏర్పడును.

శ్రీ విళంబి నామ సంవత్సరంలో గురువు కర్కాటక రాశి వారికి సంవత్సరం అంతా అనుకూలమై ఉండును. విద్యార్థులకు అతి చక్కటి ఆశించిన విద్య లభించును. భూసంబంధ వ్యాపారం లేదా వ్యవసాయం చేయువారికి మంచి లాభాలు కలుగును. వాహన యోగమును ఏర్పరచును. సంతాన ప్రయత్నములు చేయువారికి 11-అక్టోబర్-2018 తదుపరి చక్కటి సంతాన ప్రాప్తిని కలుగచేయును.